سوشل میڈیا انفلنسرس غیر ملکی آن لائن سٹے بازی اور جوئے کے پلیٹ فارم کی توثیق سے خبرداررہیں

سرینگر//
اطلاعات و نشریات کی وزارت نے آج سوشل میڈیا پر تمام توثیق کاروں اور اثر انداز ہونے والوں کو مشورہ دیا ہے کہ وہ غیر ملکی آن لائن سٹ بازی اور جوئے کے پلیٹ فارم کی فروغ دینے یا مشتہر کرنے بشمول متبادل اشتہارات سے پرہیز کریں۔
وزارت نے کہا ہے کہ ان اشتہارات کے صارفین بالخصوص نوجوانوں پر آن لائن سٹے بازی اور جوئے کے زبردست مالی اور سماجی و اقتصادی اثرات مرتب ہوتے ہیں۔
وزارت نے آن لائن اشتہاری بچولیوں کو مزید مشورہ دیا ہے کہ وہ اس طرح کے پروموشنل مواد کا رْخ ہندوستانی سامعین/ناظرین کی طرف نہ موڑیں۔
سوشل میڈیا کے بچولیوں کو یہ بھی مشورہ دیا گیا ہے کہ وہ اس طرح کے مواد کو شائع کرنے سے گریز کے لیے اپنے صارفین میں حساسیت پیدا کرنے کی کوششیں کریں۔
ایڈوائزری میں خبر دار کیا گیا ہے کہ اس کی عدم تعمیل کی صورت میں کنزیومر پروٹیکشن ایکٹ کی دفعات کے تحت کارروائی ہو سکتی ہے۔
اس میں سوشل میڈیا پوسٹس یا اکاؤنٹس کو ہٹانا یا غیر فعال کرنا اور قابل اطلاق قوانین کے تحت تعزیری کارروائی شامل ہیں۔ ایڈوائزری میں اس بات کی نشاندہی کی گئی ہے کہ آئی ٹی ایکٹ مجریہ۲۰۰۰ کی دفعہ۷۹ ایک طرف جہاں فریق ثالث کی معلومات، ڈیٹا، یا کمیونیکیشن لنک کے لیے جو ان کے ذریعہ دستیاب یا میزبانی کی گئی ہے ذمہ داری سے استثنیٰ فراہم کرتا ہے وہیں سیکشن ۷۹ کا ذیلی سیکشن (۳) (بی) کے مطابق ذمہ داری سے استثنیٰ لاگو نہیں ہوگا اگر حقیقی علم حاصل ہو جانے یا حکومت یا اس کی ایجنسی کی طرف سے مطلع کیے جانے کے باوجود کوئی بھی معلومات، ڈیٹا یا مواصلاتی لنک جس میں موجود ہے یا اس سے منسلک ہے بچولیوں کے زیر کنٹرول کمپیوٹر وسائل کو غیر قانونی کام کرنے کے لیے استعمال کیا جا رہا ہے ۔
اس میں مزید کہا گیا ہے کہ بچولیا کسی بھی طریقے سے ثبوت کو خراب کیے بغیر اس وسائل پر اس مواد تک رسائی کو تیزی سے ہٹانے یا غیر فعال کرنے میں ناکام رہتا ہے۔
وزارت نے سنٹرل کنزیومر پروٹیکشن اتھارٹی (سی سی پی اے) کی مورخہ۶مارچ۲۰۲۴ کی ایڈوائزری کا اعادہ کیا ہے جس میں مشہور شخصیات اور اثر و رسوخ رکھنے والوں کی طرف سے سٹے بازی/جوئے کے پلیٹ فارم کی توثیق اور سٹے بازی کی سرگرمیوں کی توثیق کرنے کے بارے میں خدشات کا اظہار کیا گیا تھا اور خبردار کیا گیا تھا کہ ایسی کوئی بھی براہ راست یا بالواسطہ اشتہار یا توثیق کی سخت جانچ پڑتال کی جائے گی۔