کورونا سے مزید 27 اموات کے بعد ہلاک شدگان کی مجموعی تعداد 5 لاکھ 24 ہزار سے متجاوز

نئی دہلی// ملک میں گزشتہ 24 گھنٹوں میں ہلاکت خیز کورونا وائرس کے 2202 نئے کیسز سامنے آئے ہیں اور اس کے ساتھ ہی مریضوں کی مجموعی تعداد چار کروڑ 31 لاکھ 23 ہزار 801 ہو گئی ہے۔
دریں اثنا، ملک میں جاری کووڈ ویکسینیشن مہم میں اب تک 191.37 کروڑ سے زیادہ افراد کو ویکسین لگائی جا چکی ہے۔ اتوار کو ملک میں 3,10,218 ویکسین لگائی گئی ہے۔
پیر کی صبح صحت اور خاندانی بہبود کی مرکزی وزارت کی طرف سے جاری کردہ اعداد و شمار کے مطابق گزشتہ 24 گھنٹوں میں 27 اموات بھی ہوئی ہیں، جس سے مرنے والوں کی مجموعی تعداد پانچ لاکھ 24 ہزار 241 ہو گئی ہے۔ اسی مدت میں 2550 لوگ کووڈ سے شفایاب ہوئے ہیں۔ اب تک مجموعی طور پر چار کروڑ 25 لاکھ 82 ہزار 243 افراد کووڈ سے بازیاب ہوئے ہیں اور بحالی کی شرح 98.74 فیصد ہے۔ اسی مدت میں فعال کیس کی شرح 0.04 فیصد اور موت کی شرح 1.22 فیصد ہے۔
کیرالہ میں کورونا وائرس کے ایکٹیو کیسز پانچ عدد سے بڑھ کر 3,398 ہو گئے ہیں۔ جان لیوا وبا سے راحت حاصل کرنے والوں کی تعداد 401 سے بڑھ کر 64,74,403 ہوگئی جب کہ مرنے والوں کی تعداد 69385 پر مستحکم ہے۔