سوپور میں ملی ٹینٹ معاون گرفتار :پولیس

سرینگر//
(یو این آئی)شمالی کشمیر کے سوپور میں سیکورٹی فورسز نے ایک مشترکہ آپریشن کے دوران ملی ٹینٹ معاون کو دھر دبوچ کر اس کے قبضے سے گرینیڈ برآمد کیا۔
پولیس کے ایک ترجمان نے بتایا کہ سوپور پولیس‘۲۲آر آر اور۱۷۹ویںبٹالین سی آر پی ایف نے ایک مشترکہ آپریشن کے دوران ملی ٹینٹ معاون جس کی شناخت عارف حسین بٹ ولد علی محمد بٹ ساکن منڈجی سوپور کے بطور ہوئی کی گرفتاری عمل میں لائی۔
ترجمان نے بتایا کہ گرفتار اعانت کار پاکستانی ہینڈلرز کے ساتھ مسلسل رابطے میں تھا۔
ترجمان کے مطابق پوچھ تاچھ کے دوران ملی ٹینٹ معاون نے اعتراف کیا کہ وہ دہشت گردوں کا ساتھی ہے ۔ان کے مطابق گرفتار نوجوان کی نشاندہی پر ایک ہینڈ گرینیڈ بھی برآمد کرکے ضبط کیا گیا ۔
پولیس نے اس ضمن میں ایف آئی آر زیر نمبر۲۰۲۴/۴؍اور یو اے پی اے کی مختلف دفعات کے تحت کیس درج کرکے مزید تحقیقات شروع کی ہے ۔