کوشش کروں گا آئندہ میچز میں روایتی چھکے ماروں، اعظم خان

کراچی//
اسلام آباد یونائیٹڈ کے جارح مزاج بلے باز اعظم خان نے کہا ہے کہ اونچ نیچ ہوتی رہتی ہیں، کوشش کروں گا آئندہ میچز میں اپنے روایتی چھکے ماروں۔لاہور میں میڈیا سے گفتگو کرتے ہوئے اعظم خان کا کہنا تھا کہ ہر نمبر پر کھیلنا آنا چاہیے ٹیم کو جہاں ضرورت ہوگی میں کھیلوں گا، اسلام آباد یونائیٹڈ ڈیٹا کو سامنے رکھ کر کھیلتے ہیں۔
انہوں نے کہا کہ ایلکس ہیلز اہم کھلاڑی ہیں انہیں مس کریں گے، مارٹن گپٹل اچھے کھلاڑی ہیں ان کی وجہ سے اچھا کمبینیشن بن جائے گا۔اعظم خان کا کہنا تھا کہ ہماری بولنگ اچھی ہے، یہ اچھا ہے کہ ہماری غلطیاں جلد سامنے آ گئیں۔
انہوں نے کہا کہ لیگ کا کھلاڑی ہونے کا تاثر بن جا تا ہے، مجھے جو موقع ملا میں فائدہ نہیں اٹھا سکا، دوبارہ موقع ملا تو بہتر کروں گا۔ ملک کے لیے کھیلنا ایک اعزاز ہے۔اعظم خان کا کہنا تھا کہ ابھی پی ایس ایل پر فوکس ہے، مستقبل کے بارے میں زیادہ نہیں سوچتا۔
انہوں نے کہا کہ پی ایس ایل پرائم ٹورنامنٹ ہے، اس میں اچھا کرنے کا فائدہ ہوتا ہے۔نسیم شاہ کے بارے میں بات کرتے ہوئے اعظم کا کہنا تھا کہ نسیم شاہ ایک بڑا سپر اسٹار ہے، تینوں بھائیوں کے ساتھ مزہ آرہا ہے۔ اسلام آباد یونائیٹڈ کی ٹیم انجوائے کر رہی ہے۔
انہوں نے یہ بھی کہا کہ آگے کھیلنا ہے تو فٹنس پر تو کام کرنا پڑے گا۔اعظم خان کا کہنا تھا کہ لاہور میں اپنے اسٹیٹس غور سے دیکھتا ہوں، میں مڈل آرڈر میں دنیا کے بڑے بیٹرز کے درمیان کھڑا ہوں۔انہوں نے بتایا کہ والد سے ابھی بھی بات ہوتی ہے وہ ٹپس دیتے ہیں، نوجوانوں میں مجھے عبید شاہ زیادہ بہتر لگے ہیں۔