جموں/15 جنوری
جموں کشمیر کے ضلع پونچھ میں مشکوک نقل و حرکت کی اطلاعات کے بعد سیکورٹی فورسز نے جمعہ کو کئی گاو¿وں میں تلاشی مہم شروع کی۔
افسروں نے بتایا کہ یہ سرچ آپریشن تحصیل منڈی کے علاقے سوجیاں میں کیا گیا ہے اور اس میں سراغ رساں کتوں اور فضائی نگرانی کا استعمال کیا جارہا ہے۔
دریں اثنا، افسروں نے بتایا کہ جمعہ کو فوج کی گاڑیوں کے ایک قافلے پر فائرنگ کرنے والے دہشت گردوں کا سراغ لگانے کے لئے پونچھ کے کرشنا گٹی، دھرتی، دھارا، مگناڈ اور جلاس علاقوں میں تلاشی مہم جاری ہے۔
انہوں نے بتایا کہ فوجی سراغ رساں کتوں اور فضائی نگرانی کا استعمال کرتے ہوئے اس علاقے میں گھس رہے ہیں جہاں گھنے جنگل ہیں۔
یاد رہے کہ پونچھ اور راجوری میں فورسز پر بڑھتے ہوئے حملوں کے پیش نظر فوج نے آپریشن ’سرو شکتی‘ شروع کرنے کا فیصلہ کیا ہے ۔یہ آپریشن پیر پنجال کے دونوں طرف ایک ساتھ شروع کیا جارہا ہے ۔ (ایجنسیاں)
