جے پی نڈا؍۷جنوری کو جموں کے دورے پر آرہے ہیں

سرینگر//
بھارتیہ جنتاپارٹی(بی جے پی)کے قومی صدر‘ جے پی نڈا ۷جنوری اتوار کو جموں وارد ہو رہے ہیں جہاں پر وہ آنے والے پارلیمانی انتخابات کے حوالے سے تیاریوں کا جائزہ لیں گے ۔
اطلاعات کے مطابق بی جے پی قومی صدر جے پی نڈا سات جنوری کو جموں کے دورے پر آرہے ہیں۔
معلوم ہوا ہے کہ دورے کے دوران بی جے پی صدر پارلیمانی چناو کی تیاری کے ساتھ ساتھ کور گروپ میٹنگ کے دوران پارٹی کو مزید مضبوط بنانے کے حوالے سے بھی سینئر لیڈران کے ساتھ تبادلہ خیال کریں گے ۔
بی جے پی کے سینئر لیڈر کویندر گپتانے اسکی تصدیق کرتے ہوئے بتایا کہ قومی صدر جے پی نڈا جموں کے ایک روزہ دورے پر سات جنوری کو پہنچ رہے ہیں۔انہوں نے بتایا کہ لوک سبھا انتخابات کے پیش نظر بی جے پی صدر کا دورہ غیر معمولی اہمیت کا حامل ہے ۔
گپتاکے مطابق بھارتیہ جنتاپارٹی صدر کے جموں دورے کے پیش نظر سینئر لیڈران کو قبل از وقت جانکاری فراہم کی گئی ۔ان کا مزید کہنا تھا کہ پارلیمانی اور اسمبلی چناو میں اس بار بھاجپا بڑی پارٹی کے طورپر ابھر کر سامنے آئے گی۔