وادی میں ہو رہی ٹارگیٹ کلنگ میں پاکستان ملوث ہے : کول

سرینگر//
بھارتیہ جنتاپارٹی(بی جے پی) کے جنرل سیکریٹری اشوک کول نے پیر کے روز کہاکہ جموں وکشمیر میں ٹارگیٹ کلنگ کے واقعات میں پاکستان کا ہاتھ ہے۔
کول نے کہاکہ یونین ٹریٹری میں علیحدگی پسندی آخری سانس لے رہی ہے۔
ان باتوں کا اظہار بی جے پی لیڈرنے سرینگر میں نامہ نگاروں سے بات چیت کے دوران کیا۔
کول نے کہاکہ جہاں تک الیکشن کا تعلق ہے کہ تو اس بار بی جے پی جموںکشمیر میں اچھی کارکردگی کا مظاہرہ کرئے گی۔انہوں نے کہاکہ جموں وکشمیر میں پچھلے تین برسوں کے دوران بدلاوآیا ہے۔
بی جے پہ لیڈر کے مطابق آنے والے انتخابات میں بی جے پی واحد بڑی پارٹی کے طورپر ابھر کر سامنے آئے گی۔
پونچھ اور شیری بارہمولہ میں ایس ایس پی کی ہلاکت کے بارے میں پوچھے گئے سوال کے جواب میں بی جے پی جنرل سیکریٹری نے کہاکہ پڑوسی ملک ایسا کررہا ہے۔
کول نے کہاکہ پاکستان کو جموں وکشمیر کا امن راس ہی نہیں آرہااور وہ حالات درہم برہم کرنے پر تلا ہوا ہے تاہم سیکورٹی ایجنسیاں ملک دشمن عناصر کے منصوبوں کو ناکام بنا رہی ہیں۔انہوں نے کہاکہ جموں وکشمیر کی سیاسی پارٹیوں کو ان واقعات پر سیاست نہیں کرنی چاہئے۔