سناتن دھرم پر قابل اعتراض تبصروں کا معاملہ راجیہ سبھا میں اٹھایا گیا

نئی دہلی//
تمل ناڈو میں سناتن دھرم پر قابل اعتراض تبصروں کا معاملہ منگل کو راجیہ سبھا میں اٹھایا گیا اور متعلقہ وزراء کے خلاف ایف آئی آر درج کرنے اور انہیں عہدے سے برطرف کرنے کا مطالبہ کیا گیا۔ایوان میں وقفہ صفر کے دوران بھارتیہ جنتا پارٹی (بی جے پی) کے جے وی ایل نرسمہا راؤ نے سناتن دھرم کے خاتمے کی دھمکی دینے اور اس پر قابل اعتراض تبصرہ کرنے کا معاملہ اٹھایا۔ انہوں نے کہا کہ تمل ناڈو حکومت کے وزرائ عوام میں سناتن دھرم پر قابل اعتراض تبصرہ کر کے عوام کی توہین کر رہے ہیں۔
انہوں نے کہا کہ وزیر سناتن دھرم کو ختم کرنے کی دھمکی دے رہے ہیں۔ بی جے پی کے رکن نے کہا کہ یہ ایک ایجنڈا ہے جسے تمل ناڈو حکومت کے وزرا چلا رہے ہیں۔ ہندوستانی آئین ہر کسی کو اپنے اپنے مذہب کی پیروی کا حق دیتا ہے۔ تمل ناڈو حکومت کے وزرا سناتن دھرم کی توہین کر کے اور اس پر قابل اعتراض تبصرہ کر کے آئین کی خلاف ورزی کر رہے ہیں۔ اس کے سات ھہ انہوں نے ان وزراءکے خلاف ایف آئی آر درج کئے جانے اور انہیں عہدے سے برطرف کئے جانے مطالبہ کیا۔
مسٹر راؤ نے کہا کہ سپریم کورٹ کے رہنما خطوط کے مطابق وزراء کے ایسے بیانات نفرت انگیز تقریر کے زمرے میں آتے ہیں اور سماجی تانے بانے کو تباہ کر رہے ہیں۔ وزراءکے بیاناتہندوستان کی سلامتی کے لیے خطرہ بن گئے ہیں۔بی جے پی کے سشیل کمار مودی نے کوچنگ اداروں میں نوجوانوں کی خودکشی کے واقعہ پر تشویش کا اظہار کرتے ہوئے کہا کہ حکومت کو اس پر سنجیدگی سے سوچنا چاہئے۔ انہوں نے کہا کہ ملک کے باوقار تعلیمی اداروں میں داخلے کے لیے سخت امتحانات کا انعقاد کیا جاتا ہے جس سے نوجوانوں پر شدید دباؤ پیدا ہوتا ہے۔
انہوں نے کہا کہ اس سال کوٹا کے کوچنگ اداروں میں 26 نوجوانوں نے خودکشی کی ہے۔ حکومت کوچنگ اداروں کو ریگولیٹ کرنا چاہئے اور اعلیٰ تعلیمی اداروں میں داخلے کے امتحانات کو آسان بنایا جانا چاہئے۔ انہوں نے کہا کہ کئی بار اوسط ٹیلنٹ کے بچے کوچنگ اداروں میں داخلہ لیتے ہیں اور پھر آگے کے تعلیمی اداروں میں داخلے کے لئے یہ طلباءداخلہ امتحان کا دباؤ برداشت نہیں کرسکنے کی وجہ سے، وہ خودکشی کرلیتے ہیں۔
کانگریس کے ایل ہنومنتھیا نے خواتین اور بچوں میں خون کی کمی کا مسئلہ اٹھایا اور حکومت سے اس معاملے پر فوری توجہ دینے کا مطالبہ کیا۔بی جے پی کے اجے پرتاپ سنگھ نے پردھان منتری غریب کلیان یوجنا میں اناج کو فروغ دینے کے لیے حکومت کی تعریف کی۔ انہوں نے کہا کہ شری ان میں شامل اناج غذائیت سے بھرپور ہوتے ہیں اور انہیں اگانے کے لیے کم پانی کی ضرورت ہوتی ہے۔ بی جے پی کے جیسانگ بھائی بابو بھائی دیسائی نے ماحولیات کے تحفظ کے لیے طرز زندگی میں تبدیلی کا مشورہ دیا