۷طلباء کیخلاف سنگین نوعیت کے کیس منسوخ کئے جائیں:این سی

سرینگر//
جموںکشمیر نیشنل کانفرنس نے گاندربل میں شیر کشمیر یونیورسٹی آف ایگریکلچر سائنسز اینڈ ٹیکنالوجی کے ۷طلبائکو ورلڈکپ فائنل کے دوران مبینہ طور پر آسٹریلیا کی جیت کا جشن منانے کے الزام میں’یو اے پی اے ‘کے کیس درج کرکے گرفتار کرنے کے معاملہ پر زبردست تشویش کا اظہار کرتے ہوئے حکومت سے ان بچوں کیخلاف اس سنگین نوعیت کے کیس منسوخ کرنے کی اپیل کی ہے ۔
پارٹی کے ریاستی ترجمان عمران نبی ڈار نے منگل کو ذرائع ابلاغ کے نمائندوں سے بات کرتے ہوئے کہا کہ اگر ان بچوں سے کوئی غلطی ہوئی ہے تو ان کی کونسلنگ کرکے انہیں اپنی غلطی سدھارنے کا موقع فراہم کیا جانا تھا لیکن یہاں ان معصوم بچوں کیخلاف سخت ترین الزامات کے تحت گرفتار کیا گیاہے ۔
ڈار نے حکومت اور قانون نافذ کرنے والے اداروں پر زور دیا کہ وہ ان بچوں کا مستقبل تاریخ بنانے سے گریز کریں اور ان کیخلاف یہ سخت نوعیت کے کیس منسوخ کرنے ان کی کونسلنگ کرکے انہیں فوری طور رہا کیا جائے ۔
این سی ترجمان نے کہاکہ نوجوانوں کیخلاف اس نوعیت کے سخت ترین کیس کرکے انہیں پشت بہ دیوار کرنے کی گریز کیا جائے ۔
ڈار نے کہا کہ کسی کی جیت کا جشن منانا اگرچہ کوئی جرم نہیں ہے ‘ایک جمہوری ملک میں اس قسم کے اقدامات کی کوئی جگہ نہیں ہے ۔ یہ اقدامات غنڈہ گردی پر مبنی ہیں اور ایسے اقدامات دنیا بھر میں ملک کی بدنامی کا سبب بن رہے ہیں۔