پٹرول اورڈیزل کی قیمتیں 128ویں دن بھی مستحکم

نئی دہلی// روس-یوکرین بحران کی وجہ سے بین الاقوامی سطح پرخام تیل کی قیمتوں میں مسلسل اتار چڑھاؤ کے باوجود گھریلو سطح پرآج مسلسل 128ویں دن بھی پٹرول اورڈیزل کی قیمتیں مستحکم رہیں ۔ خام تیل کی قیمتوں میں اچھال روس یوکرین کے بحران کے بعد ہی شروع ہوگیا تھا۔
بین الاقوامی مارکیٹ میں خام تیل کی قیمت 112.67 ڈالر فی بیرل ہوئی ، جو جمعرات کو 110.72 ڈالر فی بیرل تھی۔
مرکزی حکومت کی جانب سے پٹرول اور ڈیزل پر ایکسائز ڈیوٹی میں بالترتیب 5 روپے اور 10 روپے کی کمی کے اعلان کے بعد 04 نومبر 2021 کو ایندھن کی قیمتوں میں تیزی سے کمی آئی تھی ۔ اس کے بعد ریاستی حکومت کے ویلیو ایڈڈ ٹیکس ( وی اے ٹی) کو کم کرنے کے فیصلے کے بعد دارالحکومت دہلی میں بھی وی اے ٹی کو کم کرنے کا فیصلہ کیا گیا ہے ۔ اس کے بعد دارالحکومت میں 2 دسمبر 2021 کو پٹرول تقریباً آٹھ روپے سستا ہو گیا۔ تاہم ڈیزل کی قیمتوں میں کوئی تبدیلی نہیں ہوئی۔
مرکز کی جانب سے ایکسائز ڈیوٹی میں کٹوتی کرنے کے بعد زیادہ تر ریاستی حکومتوں اورمرکز کے زیر انتظام علاقوں نے بھی پٹرول اور ڈیزل پر ویلیو ایڈڈ ٹیکس ( ای اے ٹی) کم کر دیا تھا ، جس سے عام آدمی کو کافی راحت ملی ہے۔
بین الاقوامی سطح پر نیویارک میں برینٹ کروڈ کی قیمت 112.67 ڈالر فی بیرل تھی، جبکہ یو ایس کروڈ 2.90 فیصد اضافے کے ساتھ 109.09 ڈالر فی بیرل پر پہنچ گیا تھا ۔
پیٹرول اورڈیزل کی قیمتوں کا یومیہ جائزہ لیا جاتا ہے اور اس کی بنیاد پرنئی قیمتیں روزانہ صبح 6 بجے سے لاگو ہوجاتی ہیں۔