بابر اعظم کے ساتھ بھارتی کرکٹ فینز نے سیلفیاں بنوائیں

بنگلورو//
بنگلور کے چنا سوامی اسٹیڈیم میں پاکستان کرکٹ ٹیم کے کھلاڑی جب ٹریننگ کے بعد واپس جانے لگے تو سیلفیاں لینے والوں کا رش لگ گیا۔
کپتان بابر اعظم اور دیگر کھلاڑیوں نے شائقین کی خواہش کا احترام کرتے ہوئے اُن کے ساتھ سیلفیاں بنوائیں۔
اس موقع پر کھلاڑیوں کے ساتھ سیلفی بنوانے والے ایک بچے کی خوشی دیکھنے سے تعلق رکھتی تھی۔
بھارتی کرکٹ فین پاکستانی کرکٹرز سے آٹو گراف لینے چناسوامی اسٹیڈیم پہنچا، بنگلور کا رہائشی پرانوو محمد نواز اور بابر اعظم کی شرٹس پر سائن کا خواہشمند تھا اور وہ بابر کے ڈیبیو میچ کے ٹکٹ پر بھی آٹوگراف لینا چاہتے تھا۔
پرانوو کا کہنا ہے کہ 2016 میں متحدہ عرب امارات (یو اے ای) میں پاکستانی پلیئرز سے ملاقات ہوئی تھی، ان سے سے مل کر ہمیشہ بہت اچھا لگا ہے۔
پاکستان 20 اکتوبر کو اسی گراؤنڈ آسٹریلیا کے خلاف میچ کھیلے گا۔