روٹرڈیم میں فائرنگ، تین افراد ہلاک

ہیگ//
ہالینڈ کے روٹرڈیم شہر میں جمعرات کو روز ایک بندوق بردار نے دو مختلف مقامات پر فائرنگ کر کے تین لوگوں کو ہلاک کر دیا۔
پولیس نے بتایا کہ ایک 39 سالہ خاتون اور ایک 43 سالہ شخص کو دوپہر میں گولی مار کر ہلاک کر دیا گیا۔ اس واقعے میں خاتون کی 14 سالہ بیٹی شدید زخمی ہوئی اور بعد ازاں ہسپتال میں علاج کے دوران دم توڑ گئی۔ پولیس نے اس سلسلے میں ایک 32 سالہ مشتبہ شخص کو گرفتار کیا جو روٹرڈیم میں یونیورسٹی کا طالب علم ہے۔ اس پر ایک گھر میں ایک خاتون اور اس کے بیٹے کو گولی مارنے کا الزام ہے۔ بعد ازاں اس نے ایک میڈیکل سنٹر میں ٹیچر کو گولی مار دی۔
پولیس نے واقعے کو ٹارگٹڈ کارروائی قرار دیتے ہوئے کہا کہ ملزم نے اکیلے ہی جرم کو انجام دیا ہے۔ اس کے مقصد کے بارے میں ابھی تک کچھ معلوم نہیں ہو سکا ہے۔ اس شخص کو 2021 میں جانوروں سے زیادتی کا مجرم قرار دیا گیا تھا ۔وہ اس گھر کے قریب رہتا تھا جہاں اس نے خاتون اور اس کی بیٹی کو گولی ماری تھی۔