نئی دہلی//قانون و انصاف کے وزیر ارجن رام میگھوال نے جمعرات کو راجیہ سبھا پارلیمنٹ اور اسمبلیوں میں خواتین کو ایک تہائی ریزرویشن فراہم کرنے والے آئین (128 ترمیمی) بل 2023 پیش کرتے ہوئے کہا کہ یہ خواتین کو سماجی و اقتصادی حیثیت میں اضافے کا موقع فراہم کرنے والا بل ہے ۔
مسٹر میگھوال نے کہا کہ نریندر مودی حکومت شروع سے ہی خواتین کو بااختیار بنانے کے حق میں رہی ہے ۔ ترقی یافتہ ہندوستان بنانے کے لیے خواتین کو بااختیار بنانا ضروری ہے اور یہ بل اس سمت میں ایک اہم قدم ہے ۔ ڈاکٹر بھیم راؤ امبیڈکر کا ذکر کرتے ہوئے انہوں نے کہا کہ حکومت کا فرض ہے کہ وہ سماجی و اقتصادی ٹیکس کے ذریعے مساوات لانے کی کوشش کرے ۔ سوچھ بھارت، اجولا، جن دھن یوجنا اور پردھان منتری آواس یوجنا کا ذکر کرتے ہوئے انہوں نے کہا کہ ان سب میں خواتین کو بااختیار بنانے کو ترجیح دی گئی ہے ۔
انہوں نے کہا کہ یہ بل آرٹیکل 330، 332 اور 334 میں اضافی التزام کا اضافہ کرے گا۔ آئین کے مطابق خواتین کے ریزرویشن میں درج فہرست ذاتوں اور قبائل سے تعلق رکھنے والی خواتین کو خود بخود ریزرویشن مل جائے گا۔
انہوں نے کہا کہ حلقہ بندیوں اور مردم شماری کے بعد خواتین کے ریزرویشن کو نافذ کیا جائے گا۔ اس پر عملدرآمد کے لیے منصفانہ اور شفاف طریقہ کار اپنایا جائے گا۔
