جالندھر// سرجیت ہاکی سوسائٹی نے منگل کو جالندھر کے پولیس کمشنر کلدیپ چاہل کو اپنا سرپرست اور سینئر سپرنٹنڈنٹ آف پولیس (دیہی) مکویندر سنگھ بھلر کو سوسائٹی کا سینئر نائب صدر مقرر کیا۔
سوسائٹی کے ایگزیکٹو صدر لکھویندر پال سنگھ کھیرا، سینئر نائب صدر رام پرتاپ، جنرل سکریٹری سریندر سنگھ بھاپا، سکریٹری رنبیر سنگھ ٹوٹ، بین الاقوامی کھلاڑی ہریندر سنگھ گل، ارویندر سنگھ کلار بیندر (صوفی گاؤں) نے سوسائٹی کے آئین کے مطابق کلدیپ چاہل اور مخوندر سنگھ بھلر کو اس عہدہ کے لیے تقرری کا خط سونپا۔
اس موقع پر پولس کمشنر کلدیپ چاہل نے کہا کہ سرجیت ہاکی سوسائٹی کے تمام ممبران نے گزشتہ 40 برسوں میں اپنی محنت اور لگن کی بدولت سرجیت ہاکی ٹورنامنٹ کو بین الاقوامی سطح پر پہنچایا ہے۔انہوں نے ہندوستانی ہاکی ٹیم کے سابق کپتان اور اولمپیئن سرجیت سنگھ کا نام بھی امر کردیا ہے۔
دریں اثنا سینئر سپرنٹنڈنٹ آف پولیس (دیہی)، جالندھر مکویندر سنگھ بھلر نے کہا کہ سرجیت ہاکی سوسائٹی کا ہاکی کی ترقی میں اہم کردار ہے اور اب جالندھر ملک کے مشہور سرجیت ہاکی ٹورنامنٹ کی میزبانی کے لیے بھی جانا جاتا ہے۔ انہوں نے کہا کہ ہم آئندہ ٹورنامنٹ کو کامیاب بنانے کے لیے بھرپور تعاون کریں گے۔
