دفعہ ۳۷۰ کی بحالی:سپریم کورٹ ہی آخری امید:آزاد

سرینگر//
جموں کشمیر کے سابق وزیر اعلی اور ڈیموکریٹک پروگریسو آزاد پارٹی (ڈی پی اے پی) کے چیئرمین ‘غلام نبی آزاد نے پیر کو کہا کہ آرٹیکل ۳۷۰کوبحال کرنے کی آخری امید سپریم کورٹ پر ہے۔
آزاد نے پیر کو سرینگر میں میڈیا کے نمائندوں کو بتایا’’صرف دو ہی آرٹیکل۳۷۰کو بحال کر سکتے ہیں یا تو موجودہ حکومت یا سپریم کورٹ‘‘۔تاہم انہوں نے کہا کہ ہم موجودہ حکومت سے کوئی توقع نہیں رکھ سکتے کیونکہ اس نے اسے منسوخ کر دیا ہے۔
سابق وزیر اعلیٰ نے مزید کہا کہ سپریم کورٹ سے ایک آخری امید ہے جو آرٹیکل۳۷۰کو بحال کر سکتی ہے۔
ڈی پی اے پی کے چیئرمین نے کہا کہ وہ حال ہی میں دہلی گئے تھے جہاں انہوں نے کانگریس لیڈر اور معروف وکیل کپل سبل کے ساتھ کچھ وقت گزارا جنہوں نے سپریم کورٹ میں۵۰ء۱کروڑ لوگوں کے کیس کی مؤثر طریقے سے نمائندگی کی۔
آزاد نے مزید کہا’’آئیے ہم اللہ تعالی سے دعا کریں اور بہترین کی امید رکھیں۔‘‘ (ایجنسیاں)