گل لالہ باغ کا گینز ریکارڑ:پھول آئے‘ پتھر چلے گئے‘پوری

نئی دہلی///
جموں کشمیر کے سرینگر میں اندرا گاندھی میموریل ٹیولپ گارڈن کو ورلڈ بک آف ریکارڈ (لندن) میں ایشیا کے سب سے بڑے باغ کے طور پر جگہ حاصل کرنے کے بعد، مرکزی وزیر برائے ہاؤسنگ اور شہری امور اور وزیر پٹرولیم و قدرتی گیس‘ ہردیپ سنگھ پوری نے مبارکباد دی لیکن ساتھ ہی شورش زدہ خطے کی سیاست پر بھی تنقید کی۔
ایک ٹویٹ میں پوری نے لکھا’’پھول آئے، پتھر گئے (پھول آئے، پتھر چلے گئے)۔‘‘ انہوں نے سابقہ واقعات کی طرف اشارہ کرتے ہوئے کہا جہاں کشمیر کے مقامی باشندے احتجاج کے دوران سیکورٹی فورسز پر پتھراؤ کرتے تھے۔
پوری نے لکھا ’’گر فردوس بروئے زمین است! سری نگر میں ٹیولپس کی خوبصورت جنت ایشیا کی سب سے بڑی ہونے کی وجہ سے ورلڈ بک آف ریکارڈ میں داخل ہوئی! ۵ء۱ ملین ٹیولپ بلب ۶۸ مختلف ٹیولپ اقسام کے ایک حیران کن مجموعہ کی نمائش کر رہے ہیں۔ایک لاکھ سیاحوں کو راغب کر رہے ہیں!‘‘