سرینگر:تاریخی گھنٹہ گھر پر ترنگا لہرایا گیا

سرینگر//
جموںکشمیر کی گرمائی راجدھانی سری نگر کے تاریخی گھنٹہ گھر پر ترنگا لہرایا گیا ۔
اطلاعات کے مطابق یوم آزادی کے پیش نظر تاریخی گھنٹہ گھر پر ترنگا لہرایا گیا ۔
سری نگر میونسپل کارپوریشن کے کمشنر اطہر عامر خان نے اپنے ٹویٹر ہینڈل پر لکھا ’’ہمارے لالچوک سرینگر میں نئے گھنٹہ گھر کے ٹاپ پر قومی پرچم لہرا رہا ہے ۔ہمارے ایس سی ایل اور ایس ایم سی ٹیموں کا زبردست کام‘‘۔
خان نے مزید کہا کہ یہ نیاڈیزائن شدہ کلاک ٹاور اور اس کے نئے کلاک خوشحالی،ترقی اور خوشی کی علامت بن جائیں۔
بتادیں کہ سمارٹ سٹی پروجیکٹ کے تحت تاریخی گھنٹہ گھر کو نئے سرے سے تعمیر کیا گیا ہے ۔
جموں وکشمیر کی موجودہ انتظامیہ نے شہر سری نگر کو جاذب نظر بنانے کی خاطر سمارٹ سٹی پروجیکٹ کے تحت متعدد پروجیکٹ ہاتھ میں لئے ہیں ۔