کپواڑہ میںریچھ کے حملے میں شہری زخمی

سرینگر//
شمالی ضلع کپواڑہ کے کھر ہامہ لولاب میں ریچھ کے حملے میں معمر شہری زخمی ہوا ہے ۔
اطلاعات کے مطابق جمعرات کے روز کھر ہامہ لولاب میں اس وقت سنسنی کا ماحول پھیل گیا جب ریچھ نے ۵۰سالہ یوسف میر پر حملہ کیا جس کے نتیجے میں وہ شدید طورپر زخمی ہوا۔
معلوم ہوا ہے کہ آس پاس موجود لوگوں نے زخمی شہری کو علاج ومعالجہ کی خاطر نزدیکی ہسپتال پہنچایا جہاں پر اس کی حالت مستحکم بتائی جارہی ہے ۔
دریں اثنا محکمہ وائلڈ لائف کی ٹیم نے ریچھ پر قابو پانے کی خاطر جگہ جگہ پھندے نصب کئے ہیں۔