نگین جھیل میں معمر شہری غرقاب، لاش باز یاب

سرینگر//
نگین جھیل میں منگل کی صبح مچھلی پکڑنے کے دوران معمر شہری غرقاب ہوا اور بعد ازاں اس کی لاش برآمد کی گئی ۔
اطلاعات کے مطابق نگین جھیل میں منگل کی سہ پہر ایک معمر شہری کی لاش برآمد کی گئی۔
عین شاہدین نے بتایا کہ بٹہ مالو سے تعلق رکھنے والا ایک معمر شہری ہفتے میں تین بار نگین جھیل میں مچھلیوں کا شکار کرنے کی خاطر آتا تھا۔انہوں نے بتایا کہ منگل کی صبح ساڑھے پانچ بجے کے قریب معمر شہری نے حسب معمول ایک کشتی لی اور نگین جھیل کے بیچ و بیچ مچھلیاں پکڑنے کی خاطر گیا۔
شاہدین نے مزید کہاکہ چند مقامی افراد نے خالی کشتی دیکھی اور پولیس کو اس بارے میں مطلع کیا کہ معمر شہری غرقاب ہوا ہے ۔
پولیس نے سی سی ٹی وی کی مدد سے متوفی کو دیکھا اور بعد ازاں ایس ڈی آ ر ایف کی مدد سے معمر شہری کی لاش کو پانی سے باز یاب کیا گیا۔
پولیس نے اس سلسلے میں کیس درج کرکے مزید تحقیقات شروع کی ۔