مہتا کا جموں سرینگرشاہراہ پر ٹریفک کی صورتحال کا جائزہ

سرینگر///
جموں ڈویڑن میں موسلادھار بارش اور خراب موسم کے بعد، چیف سکریٹری، ڈاکٹر ارون کمار مہتا نے آج جموں سری نگر قومی شاہراہ کی حالت کا جائزہ لیا تاکہ ہائی وے پر ٹریفک کی ہموار آمدورفت ہوسکے۔
چیف سکریٹری نے افسران پر زور دیا کہ وہ شاہراہ پر ٹریفک کی ہموار نقل و حرکت کو یقینی بنائیں۔ انہوں نے ان سے استفسار کیا کہ اس سڑک پر اوور لوڈڈ گاڑیوں کو چلنے کی اجازت دینے سے متعلق جاری کردہ سابقہ ہدایات پر عمل درآمد کی صورتحال کیا ہے۔
ڈاکٹر مہتا نے رامبن اور بانہال کے درمیان کئی مقامات پر سڑک کے میلان کو بہتر بنانے‘ کیچڑ کو ہٹانے، شناخت شدہ جگہوں پر کیریج وے کو چوڑا کرنے، ٹرکوں کے ہولڈنگ ایریاز کا تعین کرنے اور رامبن فلائی اوور کے دوسرے ٹیوب کو مکمل کرنے اور بانہال بائی پاس پر پیشرفت سمیت مسائل کا ادراک کیا۔
چیف سیکریٹری نے سست رفتاری سے چلنے والی گاڑیوں کے خلاف سخت کارروائی کرنے کی ضرورت پر زور دیا۔ انہوں نے ان سے کہا کہ وہ ٹرکوں میں اوور لوڈنگ پر نظر رکھیں اور اس بات کو یقینی بنائیں کہ ایسی کسی گاڑی کو آگے نہ بڑھنے دیا جائے جس سے دوسروں کے لیے مشکلات پیدا ہوں۔ انہوں نے یہ بھی یقینی بنانے کی ہدایت کی کہ ٹریفک حکام کی جانب سے لین ڈسپلن اور گاڑیوں کی روڈ سائیڈ پارکنگ پر کوئی سمجھوتہ نہ کیا جائے۔
چیف سیکرٹری نے اس حقیقت پر زور دیا کہ۳۰۰ کلومیٹر طویل شاہراہ میں سے صرف۶۰ کلومیٹر سڑک دو لین ہے اس لیے ٹریفک کے ہموار انتظام کے لیے بڑی رکاوٹ نہیں بننی چاہیے۔ انہوں نے بانہال مارکیٹ میں ٹریفک کا انتظام کرنے اور وہاں لین ڈسپلن کو سختی سے نافذ کرنے کے لیے بھی کہا۔
ڈاکٹر مہتا نے ڈپٹی کمشنر سے سڑک کی حالت کے بارے میں بھی دریافت کیا۔ انہوں نے ان پر زور دیا کہ موسم کی خرابی کے باعث سڑک کو صاف ہونے تک چند گھنٹوں کے علاوہ بند نہ ہونے دیا جائے اور اسے فوری طور پر ٹریفک کے لیے کھول دیا جائے۔ انہوں نے عمل آوری ایجنسیوں پر زور دیا کہ وہ رامبن فلائی اوور کی دوسری ٹیوب ۱۵؍ اگست تک اور بانہال بائی پاس کو اس سال کے آخر تک حوالے کریں جیسا کہ پہلے کیا گیا تھا۔