حارث رؤف کی دلہن کے ہمراہ تصویر وائرل

کراچی//
پاکستانی کرکٹ ٹیم کے فاسٹ بولر حارث رؤف کی زندگی کی نئی ایننگز کا آغاز ہو گیا ہے۔
گزشتہ روز کرکٹر حارث رؤف اپنی دلہنیا، اسکول کے زمانے کی دوست و محبت مزنا مسعود ملک کو بیاہ کر گھر لے آئے ہیں۔
حارث رؤف کی شادی کی مرکزی تقریب کی متعدد تصویریں اور ویڈیوز سوشل میڈیا پر وائرل ہیں جن میں اُنہیں اپنی نئی نویلی دلہن کے ساتھ دیکھا جا سکتا ہے۔
حارث رؤف نے اپنی شادی کی مرکزی تقریب میں سیاہ رنگ کی شیروانی اور دلہن کے لباس کے میچنگ کی پگڑی باندھی ہوئی ہے۔
گزشتہ شب حارث رؤف نے اپنی بارات کی روانگی سے قبل صدقے کا بکرا ذبح کیا جس کی ویڈیو بھی سوشل میڈیا پر وائرل ہے۔
پاکستانی کرکٹر حارث رؤف کے ولیمے کی تقریب آج ہوگی جس میں شرکت کے لیے ساتھی کرکٹرز بھی ممکنہ طور پر کراچی سے اسلام آباد پہنچیں گے۔