بارہمولہ : لڑکی کو ہراساں کرنے کے الزام میں ۲؍افراد گرفتار:پولیس

سرینگر//
بارہمولہ پولیس نے ایک لڑکی کو ہراساں کرنے کے الزام میں دو نوجوانوں کو گرفتار کیا۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ بارہمولہ پولیس اسٹیشن کو ایک شخص کی طرف سے تحریری شکایت موصول ہوئی جس میں کہا گیا کہ زنانہ پارک خواجہ باغ میں دو افراد نے ایک لڑکی کے ساتھ چھیڑ چھاڑ کی اور بعد میں وہ جائے موقع سے فرار ہوگئے ۔
بیان میں ملزموں کی شناخت عاقب سلام بٹ عرف پونٹی ولد عبدالسلام بٹ اور یاسر احمد بٹ ولد فیاض احمد بٹ ساکنان فتح پورہ بارہمولہ کے بطور کی گئی ہے ۔
پولیس بیان میں کہا گیا کہ شکایت پر کارروائی عمل میں لاتے ہوئے پولیس اسٹیشن بارہمولہ میں اس ضمن میں متعلقہ دفعات کے تحت ایک کیس درج کرکے تحقیقات شروع کی گئیں۔
پولیس بیان میں کہا گیا کہ بارہمولہ پولیس نے سخت کاوشوں کے بعد دونوں چھیڑ چھاڑ کرنے والوں کو گرفتار کرکے اپنی تحویل میں لے لیا۔انہوں نے کہا کہ اس ضمن میں مزید تحقیقات جاری ہے۔