روس کےکوریل جزیرے کے پاس آیا 5.4کی شدت کا زلزلہ

یوزنو- سکھلنسک،روس//
روس کے کوریل جزیرے کے پاس زلزلہ کے درمیانے جھٹکے محسوس کئے گئے۔ریختر پیمانے پر زلزلے کی شدت 5.4درج کی گئی۔ یوزنو -سکھالنسک ارتھ کویک سائنس اسٹین کی سربراہ ایلینا سیمینووا نے اسپوتنک کو یہ معلومات دی۔ ایلینا سیمینووا نے کہا کہ4.5دت کے زلزلے کے جھٹکے جمعرات کو مقامی وقت کے مطابق 11:38پر محسوس کیے گئے۔ زلزلے کا مرکز 52 کلومیٹر کی گہرائی میں تھا۔‘‘زلزلے کا مرکز سموشیر کے غیر آباد جزیرے سے 171 کلومیٹر جنوب مشرق میں واقع تھا۔ زلزلے کی وجہ سے کسی جانی یا مالی نقصان کے بارے میں فی الحال کوئی اطلاع نہیں ہے۔ سونامی کی وارننگ کا اعلان نہیں کیا گیا ہے۔
کوریل جزائر زلزلہ کے لحاظ سے ایک فعال علاقے میں واقع ہیں جسے رنگ آف فائر کہا جاتا ہے۔ یہ خطہ باقاعدگی سے طاقتور زلزلوں سے متاثر ہوتا ہے۔
5 نومبر 1952 کو کوریل جزائر پر 9.0شدت کے زلزلے کے بعد ایک بڑی سونامی آئی جس نے سیویرو-کورلسک شہر کو تباہ کر دیا۔ اس واقعے میں 2300 سے زیادہ لوگ مارے گئے تھے۔