ہم جانتے تھے کہ اگر دھونی آخری گیند کھیلتے ہیں تو وہ یقینی طورپرمیچ جیتا دیں گے/جڈیجہ

ممبئی//
چنئی سپر کنگز کے کپتان رویندر جڈیجہ نے ممبئی کے خلاف تین وکٹوں کی جیت درج کرنے کے بعد کہا، ’’ہم کافی تناؤ میں تھے جیسے میچ جارہاتھا لیکن کہیں نہ کہیں ہمیں معلوم تھا کہ بہترین فنشرابھی وہاں ہیں اور اگر وہ آخری گیند کھیلے تویقینی طور پر میچ جیتا دیں گے۔
دھونی نے دنیا کو دکھایا کہ وہ اب بھی یہاں ہیں اور میچ ختم کر سکتے ہیں۔
دھونی کے ساتھ بلے بازی کرنے والے ڈوین پریٹوریئس نے میچ کے بعد کہا، "شاندارتجربہ، وہ میچ ختم کرنے میں ماہرہیں اور انہوں نے ایک بار پھر ایسا کرکے دکھایا۔” بمراہ پر باؤنڈری مارنے پر پریٹوریئس نے کہا، "میں پہلے ہی اوورمیں بمراہ کے خلاف اسکوپ لگانا چاہتا تھا، لیکن دھونی نے کہا، ابھی رکو۔ میں نے انتظار کیا اور اگلے اوور میں میں نے کہا، اب میں لگانے جا رہا ہوں، انہوں نے کہامارو، میں نے مارا، ہم جانتے تھے کہ ہمیں پانچ باونڈری کی ضرورت ہےاور ہم نے یہ کر لیا۔ میں سخت محنت کر رہا ہوں اور خوش ہوں کہ ٹیم کی جیت میں تعاون دے پایا، امید ہے ہم آگے کچھ اورمیچ جیتیں گے۔
ادھر ممبئی انڈینس کے سابق کپتان سچن تندولکر بطور مینٹورٹیم کے ڈگ آوٹ میں موجودرہتے ہیں۔
سچن نے کہا کہ پانچ ٹائٹل جیتنے کے بعد ممبئی سے توقعات بہت زیادہ ہیں اور اس سے روہت شرما کی ٹیم پر ہمیشہ دباؤ رہتا ہے۔
تندولکر نے اسٹار اسپورٹس کے ساتھ میچ کے دوران بات چیت میں کہا، "سب سے پہلے یہ سمجھتے ہیں کہ اس فارمیٹ میں کوئی ٹیم ایسی نہیں ہے جس نے اس سیزن ممبئی کی طرح تجربہ نہ کیا ہو۔ یہ فارمیٹ ظالمانہ ثابت ہو سکتا ہے۔ اگر اہم موومنٹ آپ کے حق میں نہیں جاتے ہیں تو آپ دویا تین رن یا آخری گیندپرمیچ ہار سکتے ہیں۔