ایل پی ایل نیلامی میں سریش رینا بھی شامل

کولمبو// 31 جولائی سے شروع ہونے والے لنکا پریمیئر لیگ (ایل پی ایل) کے چوتھے سیزن کی نیلامی 14 جون کو ہوگی جس میں ہندوستان کے سابق اسٹار کھلاڑی سریش رینا بھی دستیاب ہوں گے۔
نیلامی کے لیے کل ملاکر 360 کھلاڑیوں کا انتخاب کیا گیا ہے جس میں ہندوستانی ٹیم کے سابق رکن سریش رینا بھی دستیاب ہوں گے۔ نیلامی کی فہرست کے مطابق نیلامی میں سری لنکا کے 202 کھلاڑی بولی کے لیے پیش ہوں گے۔ فہرست میں باقی 153 کھلاڑیوں میں غیر ملکی کرکٹرز بھی شامل ہیں۔
غیر ملکی کھلاڑیوں میں سب سے زیادہ 34 کھلاڑی پاکستان کے ہیں جب کہ آسٹریلیا کے 24، بنگلہ دیش کے 24، ویسٹ انڈین 14 اور جنوبی افریقہ کے 10 کھلاڑیوں کی بولی نیلامی میں لگے گی۔ تمیم اقبال (بنگلہ دیش)، کرس لین (آسٹریلیا)، ایون لیوس (ویسٹ انڈیز)، لینڈل سمنز (ویسٹ انڈیز)، عماد وسیم (پاکستان)، ٹم سیفرٹ (نیوزی لینڈ)، رسی وان ڈیر ڈوسن (جنوبی افریقہ)، عمران طاہر (جنوبی افریقہ)، ایش سوڈھی (نیوزی لینڈ)، نور احمد (افغانستان) اور کچھ دیگر ٹاپ کھلاڑی بدھ کو نیلامی کے لیے دستیاب ہوں گے۔
سابق ہندستانی کرکٹر سریش رینا نے بھی 50,000 امریکی ڈالر کی بنیادی قیمت کے ساتھ کھلاڑیوں کی فہرست میں اپنا نام رکھا ہے۔ 36 سالہ ورلڈ کپ جیتنے والے مڈل آرڈر بلے باز نے 18 ٹیسٹ، 226 ون ڈے اور 78 ٹی ٹوئنٹی میں ہندوستان کی نمائندگی کی ہے۔
معروف ہندستانی کمنٹیٹر، کمپیئر اور کوئز ماسٹر چارو شرما ایل پی ایل کی نیلامی کے لیے نیلامی کنندہ کے طور پر کام کریں گے۔