سوپور میں لومڑی کے حملے میں پانچ افراد زخمی

سرینگر//
سوپور میں اپنی نوعیت کے ایک انوکھے واقعے میں لومڑی نے پانچ افرا د پر حملہ کرکے انہیں زخمی کیا ۔
اطلاعات کے مطابق تارزو سوپور میں جمعرات کے روز اس وقت سنسنی کا ماحول پھیل گیا جب ایک لومڑی نے پانچ افراد پر حملہ کرکے انہیں زخمی کردیا۔
معلوم ہوا ہے کہ زخمیوں کو طبی امداد کی خاطر نزدیکی ہسپتال منتقل کیا گیا ۔
مقامی لوگوں نے بتایا کہ جنگلی لومڑی کی موجودگی کے بارے میں قبل از وقت ہی محکمہ وائلڈ لائف کو آگاہ کیا تاہم متعلقہ محکمہ نے اس ضمن میں کوئی کارروائی عمل میں نہیں لائی ۔
دریںاثنا وائلڈ لائف محکمہ نے ایڈوائزری جاری کرتے ہوئے بتایا کہ کھیتوں اور باغات میں کام کے دوران لوگ محتاط رہے ۔