رنکو قومی ٹیم سے دور نہیں: ہربھجن

کولکتہ// ہندوستان کے سابق کرکٹر ہربھجن سنگھ کا ماننا ہے کہ کولکاتہ نائٹ رائیڈرز (کے کے آر) کے مڈل آرڈر بلے باز رنکو سنگھ، جنہوں نے اپنی دھماکہ خیز بلے بازی سے سب کی تعریفیں سمیٹ لیں، جلد ہی ہندوستانی ٹیم کا حصہ بن سکتے ہیں۔
ہربھجن نے اسٹار اسپورٹس کے کرکٹ لائیو پر کہاکہ ’’ہندوستانی ٹیم کی ٹوپی رنکو کے سر سے زیادہ دور نہیں ہے۔ وہ ایک متاثر کن کھلاڑی ہیں۔ آج وہ اس مقام تک پہنچنے کے لیے بہت محنت کی ہے۔ پورا کریڈٹ انہیں جاتا ہے۔ ان کا کرکٹ کا سفر ہم سب کے لیے ایک سبق ہے اور تمام نوجوان کھلاڑیوں کو ان سے سیکھنا چاہیے۔‘‘
رنکو نے آئی پی ایل کے 2022 سیزن میں سات میچ کھیلے اور 34.80 کی اوسط سے 174 رنز بنائے۔ پچھلے سال رنکو نے اپنی صلاحیت کی جھلک دکھائی تھی، یہی وجہ ہے کہ کے کے آر نے اسے اس سیزن کی ابتدائی الیون میں جگہ دی۔ انہوں نے 11 میچوں میں 56.17 کی اوسط سے 337 رنز بنائے ہیں اور آخری اوور میں پانچ چھکے لگا کر کے کے آر کو گجرات ٹائٹنز کے خلاف یادگار جیت بھی دلائی ہے۔
سابق بھارتی کرکٹر محمد کیف نے آئی پی ایل 2023 میں میچورٹی کے ساتھ اپنے کھیل کو اگلے درجے پر لے جانے پر رنکو کی تعریف کی ہے۔
کیف نے کہاکہ “رنکو سنگھ میں وہ پختگی ہے۔ پچ پر ان کا فٹ ورک شاندار ہے اور وہ مسلسل رنز بنا رہے ہیں۔ رنکو اپنی فارم کو اچھی اننگز میں تبدیل کرنا جانتا ہے اور یہ بھی جانتا ہے کہ کب اور کیسے کھیل کا رخ موڑنا ہے۔ وہ بڑے شاٹس مارنے کی بھی صلاحیت رکھتا ہے۔