زلزلے سے متاثرہ جاپان میں ہائی الرٹ جاری

ٹوکیو//
جاپان کا ایشیکاوا صوبے میں جمعہ کو 6.5شدت کے زلزلے کے بعد آفٹر شاکس اور بارش کے تعلق سے ہفتہ کو ہائی الرٹ جاری کیا گیا۔ جاپان کی موسمیاتی ایجنسی (جے ایم اے) نے خبردار کیا کہ جمعہ کی سہ پہر ابتدائی زلزلے کے بعد تقریباً ایک ہفتے کے دوران مزید جھٹکے آسکتے ہیں۔ جاپانی ریکٹر اسکیل پر زلزلے کی شدت نوٹو جزیرہ نما کے شہر سوزو میں 6 سے اوپر ریکارڈ کی گئی۔
سوزو میں جمعہ کو آنے والے زلزلے میں سیڑھی سے گرنے سے ایک 65 سالہ شخص ہلاک اور 22 زخمی ہو گئے۔
جے ایم اے نے کہا کہ مقامی وقت کے مطابق صبح 8 بجے تک خطے میں 50 سے زیادہ زلزلے کے جھٹکے ریکارڈ کیے گئے ہیں، جن میں جمعہ کی شام کو 5.8شدت کا زلزلہ بھی شامل ہے۔
محکمہ موسمیات کا کہنا ہے کہ صوبے میں ہفتہ کی شام سے اتوار کی صبح تک 30 ملی میٹر فی گھنٹہ تک بارش ہو سکتی ہے، جبکہ ناٹو کے علاقے میں 24 گھنٹے سے اتوار کی صبح 6 بجے تک 120 ملی میٹر تک بارش متوقع ہے۔ شدید بارشوں کے باعث لینڈ سلائیڈنگ کی وارننگ بھی جاری کر دی گئی ہے۔
عمارتوں کے منہدم ہونے کی اطلاعات ملنے کے بعد مقامی حکام نے زلزلے سے ہونے والے نقصانات کا اندازہ لگانا شروع کر دیا۔