کشتواڑ : مٹی کا تودا گر آنے سے نوجوان ہلاک‘ مکان زمین بوس

جموں//
جموں کشمیر کے ضلع کشتواڑ کے کڑیا پل گائوں میں مٹی کے تودے نے ایک مکان کو زمین بوس کر دیا جس کے نتیجے میں ایک نوجوان کی موت واقع ہوگئی۔
تفصیلات کے مطابق کشتواڑ کے کڑیا پل گائوں میں تیز بارشوں کی وجہ سے مٹی کا تودا ایک مکان پر گر آیا جس کے نتیجے میں ایک نوجوان کی موت واقع ہوئی جبکہ مکان بھی زمین بوس ہوگیا۔
متوفی کی شناخت۱۹سالہ ارشد حسین کے بطور کی گئی ہے ۔معلوم ہوا ہے کہ اس واقعے میں دو گائو خانوں کو بھی نقصان پہنچا ہے ۔
دریں اثنا پولیس کی ایک ٹیم جائے موقع پر پہنچ گئی ہے ۔