مسلمان کھلاڑی کے روزہ افطار کے لئے ریفری نے میچ روک دیا

برلن// جرمن فٹبال لیگ بنڈس لیگا میں ریفری نے مسلمان فٹ بالر کے روزہ کھولنے کے لیے جاری میچ روک دیا غیر ملکی میڈیا رپورٹس کے مطابق یہ تاریخی واقعہ بنڈس لیگا میں آگسبرگ اور مینز کے درمیان جاری میچ کے 65 ویں منٹ میں پیش آیا ریفری نے میچ کے 65 ویں منٹ میں جب افطار کو وقت ہوا تو مسلمان فٹبالر موسیٰ کو روزہ افطار کرنے کے لیے خصوصی طور پر میچ روک کر وقت دیا فٹبالر موسیٰ کو ٹیم کے گول کیپر نے پانی و جوس کی بوتلیں لاکر دیں جس سے انہوں نے نے روزہ افطار کیا ۔
فٹبالر کے روزہ افطار کیے جانے کے بعد میچ کو وہیں سے شروع کیا گیا۔
بعد ازاں مسلمان فٹبالر موسیٰ نے ریفری کی اس کاوش پر ان کا شکریہ بھی ادا کیا۔
ریفری کے اس اقدام کی سوشل میڈیا زبردست ستائش کی جارہی ہے۔