اڈیشہ نے ہاکی کی ترقی کے لیے 22 تربیتی شعبے قائم کیے

بھونیشور// ہاکی کے شوق کے لیے مشہور اوڈیشہ نے کھیل کی نچلی سطح پر ترقی کے لیے 22 نئے ہاکی ٹریننگ سینٹرز (ایچ ٹی سی) قائم کیے ہیں۔
ایچ ٹی سی کو اڈیشہ نیول ٹاٹا ہاکی ایچ پی سی کے ساتھ شراکت میں محکمہ کھیل اور نوجوان خدمات (ڈی ایس وائی ایس) نے قائم کیا ہے۔ اس کا مقصد ریاست کے ہاکی ٹیلنٹ کو پروان چڑھانا اور انہیں مصنوعی میدان کا تجربہ فراہم کرنا ہے۔
اس وقت 18 مراکز کام کر رہے ہیں اور 1300 کے قریب بچے مصنوعی ٹرف پر تربیت لے رہے ہیں۔ اس ترقیاتی پروگرام میں ہر ایچ ٹی سی پر دو کوچز کام کر رہے ہیں۔
سندر گڑھ کے اپنے حالیہ دورہ کے دوران وزیر اعلی نوین پٹنائک نے خطے میں کھیلوں کی ترقی کی اہمیت پر زور دیا تھا۔
انہوں نے ضلع اور آس پاس کے علاقوں سے کھیلوں کی صلاحیتوں کو پروان چڑھانے کا خیال ظاہر کیا۔ ان کے دورے کے دوران شروع کیے گئے منصوبوں کا مقصد کھیلوں میں دلچسپی رکھنے والے نوجوانوں کو بہتر انفراسٹرکچر، تربیتی سہولیات اور مواقع فراہم کرکے مقصد حاصل کرنا تھا۔
ایچ ٹی سی میں اچھی تربیت یافتہ کوچز تعینات ہیں جو نچلی سطح پر ترقی کے ماہر ہیں۔ تمام کوچز نے اوڈیشہ کے ہاکی کے ڈائریکٹر ڈیوڈ جان سے تربیت حاصل کی ہے۔