ڈوڈہ میں۱۶سالہ لڑکی کی لاش پراسرار حالت میں برآمد

جموں//
جموں کشمیر کے ڈوڈہ ضلع کے نائی چرالہ گاؤں میں بدھ کی صبح ۱۶سالہ لڑکی کی لاش کو گاؤ خانے میں لٹکتے ہوئے پایا گیا۔
اطلاعات کے مطابق ڈوڈہ کے دور افتادہ علاقے نائی چرالہ میں بدھ کے روز اس وقت سنسنی کا ماحول پھیل گیا جب ۱۶سالہ لڑکی کی لاش کو گاو خانے میں لٹکتے ہوئے پایا گیا۔
اہل خانہ نے بتایا کہ مویشیوں کو چرانے کی خاطر جب وہ گاؤ خانے کے اندر گئے تو ان کے پیروں تلے اس وقت زمین کھسک گئی جب انہوں نے ۱۶سالہ انیتا دیوی دختر یشپال سنگھ کو لٹکتے ہوئے دیکھا ۔
اہل خانہ نے بتایا کہ پولیس کو اس بارے میں فوری طورپر آگاہ کیا گیا جنہوں نے لاش کو تحویل میں لے کر طبی اور قانونی لوازمات پورے کرنے کے بعد میت وارثین کے حوالے کی۔
پولیس نے اس سلسلے میں کیس درج کرکے مزید تحقیقات شروع کی ۔