جڈیجہ آل راؤنڈر سے پہلے تیز گیند باز بننا چاہتے تھے

ممبئی// ہندوستان کے تجربہ کار آل راؤنڈر رویندر جڈیجہ نے انکشاف کیا ہے کہ وہ اپنے ابتدائی دنوں میں آل راؤنڈر نہیں بلکہ تیز گیند باز بننا چاہتے تھے۔
جڈیجہ نے اسٹار اسپورٹس کے پروگرام ’اسٹارز آن اسٹار‘ میں کہا ’’جب میں نے بہت پہلے کرکٹ کھیلنا شروع کی تھی، اس وقت میں ایک تیز گیند باز بننا چاہتا تھا۔ مجھے دوسرے تیز گیند بازوں کو باؤنسر کرتے دیکھنا اچھا لگتا تھا۔ انہیں دیکھ کر میں بھی سوچتا تھا کہ میں بلے بازوں کو باؤنسر بھی دوں گا، لیکن میرے پاس اتنی رفتار نہیں تھی۔
اسٹار اسپورٹس نے 31 مارچ سے شروع ہونے والی انڈین پریمیئر لیگ (آئی پی ایل) کے سلسلے میں ایونٹ کا اہتمام کیا تھا۔ اسٹار کے پاس آئی پی ایل کے ٹی وی نشریاتی حقوق ہیں، جبکہ ٹورنامنٹ کا ڈیجیٹل میڈیم جیو نشر کرے گا۔
آئی پی ایل کے اس سیزن کا آغاز گجرات ٹائٹنز اور چنئی کے درمیان میچ سے ہوگا۔ جڈیجہ گزشتہ برسوں میں چنئی کے لیے کلیدی کھلاڑی رہے ہیں اور اس لیگ نے ان کے کھیل کو بہتر بنانے میں اہم کردار ادا کیا ہے۔ جڈیجہ نے اپنے کھیل میں بہتری کا کریڈٹ چنئی کے کپتان مہندر سنگھ دھونی کو بھی دیا۔
انہوں نے کہا “میں نے ماہی بھائی کو بتایا کہ میرا کرکٹ سفر جام نگر میں میرے کوچ مہندر سنگھ چوہان اور چنئی سپر کنگز میں میرے کپتان مہندر سنگھ دھونی کے درمیان رہا ہے۔ میرا کرکٹ کا سفر صرف ان ہی دو مہندروں کے درمیان رہا ہے۔