روس کو اس وقت پابندیوں کی جنگ کا سامنا ہے: پوتن

ماسکو//
روس کے صدر ولادی میر پوتن نے کہا ہے کہ روس کو پابندیوں کی ایک ایسی جنگ کا سامنا ہے کہ جس کی تاریخ میں کوئی نظیر نہیں ملتی۔
صدر پوتن نے، یوکرین کے خلاف جنگ کے آغاز کے بعد پہلی دفعہ، دارالحکومت ماسکو میں کاروباری حلقے کے ساتھ بڑے پیمانے کا اجلاس کیا۔
اجلاس سے خطاب میں انہوں نے کہا ہے کہ اس وقت روس کو پابندیوں کی جنگ کا سامنا ہے۔ اس جنگ کے دوران روس میں کاروبار کرنے والی مغربی فرموں کا فرار کی بجائے ملک میں رہنے کو ترجیح دینا ایک عقلمندانہ فیصلہ ہے۔
پوتن نے کہا ہے کہ” یہی وہ وقت ہے کہ جہاں ہم ایک مضبوط کاروباری دنیا کی ضرورت محسوس کر رہے ہیں۔ ہم، لاجسٹک اور مالیاتی مسائل کو حل کرنے پر مجبور ہیں”۔
واضح رہے کہ 24 فروری 2022 کو صدر ولادی میر پوتن کے حکم سے روس۔ یوکرین جنگ شروع ہو گئی تھی۔