سرینگر/ 10 مارچ
سید محمد الطاف بخاری کو اپنی پارٹی کے صدارتی انتخابات میں کسی دوسرے اہل مدمقابل کی عدم موجودگی میں فاتح قرار دیا گیا ہے۔
پارٹی کے بانی مزید تین سال کے لیے پارٹی صدر کے طور پر دوسری مدت کے لیے فائز رہیں گے۔
یہاں جاری ایک پریس بیان کے مطابق”اپنی پارٹی کے الیکشن بورڈ کے کنوینر وجے بکایا نے جمعہ کو سید محمد الطاف بخاری کو صدارتی مقابلے کا بلامقابلہ فاتح قرار دیا“۔
بکایا نے ایک نوٹیفکیشن جاری کیا، جس میں لکھا تھا”دونوں انتخابی ذیلی دفاتر ، سری نگر اور جموں‘ کی تفصیلات اس بات کی تصدیق کرتی ہیں کہ سید محمد الطاف بخاری پارٹی کے صدارتی انتخابات میں بلا مقابلہ جیت گئے ہیں۔ اس طرح انہیں دوسری مدت کے لیے پارٹی صدر قرار دیا گیا ہے۔ “
سید محمد الطاف بخاری نے پارٹی صدر کی حیثیت سے اپنا پہلا دور 8 مارچ 2023 کو مکمل کیا۔ ان کی دوسری مدت 8 مارچ 2026 کو ختم ہوگی۔
