الریاض//
سعودی ولی عہد اور وزیراعظم شہزادہ محمد بن سلمان نے یمن کی صدارتی قیادت کونسل کے سربراہ رشاد العلیمی اور اراکین سے ملاقات کی۔
ملاقات کے دوران یمن کی صورتحال پر تبادلہ خیال کیا گیا۔ صدارتی کونسل، یمنی حکومت اور عوام کے لیے مملکت کی مسلسل حمایت پر زور دیا گیا۔
سعودی پریس ایجنسی ’’واس‘‘ کے مطابق وزیراعظم شہزادہ محمد بن سلمان نے منگل کے روز ہونے والی ملاقات کے دوران یمن میں سلامتی، استحکام اور ترقی کے لیے اقوام متحدہ کے زیر اہتمام ایک جامع سیاسی حل تک پہنچنے کے لیے تمام کوششوں کی حمایت کا اعادہ کیا۔
ملاقات میں جنرل انٹیلی جنس کے سربراہ خالد الحمیدان اور یمن میں سعودی عرب کے سفیر محمد الجابر نے بھی شرکت کی۔