لکھنؤ//ویمنز پریمیر لیگ (ڈبلیو پی ایل) میں کیپری گلوبل کی فرنچائزی یوپی واریئرس نے 4 مارچ سے شروع ہونے والے ٹورنامنٹ کے پہلے سیشن کے لئے آسٹریلیائی اوپنر ایلیسا ہیلی کو اپنے کپتان کے طور پر منتخب کیا ہے۔
بدھ کے روز اس کا اعلان کرتے ہوئے کیپری گلوبل کے منیجنگ ڈائریکٹر راجیش شرما نے کہا کہ "ایلیسا کھیل میں تجربہ کار ہے اور اس میں کارکردگی کا اعلی ترین تجربہ ہے۔ اسے جیتنے کی عادت ہے ، جس کی ہمیں اپنی ٹیم میں ضرورت ہے۔ ہم امید کرتے ہیں کہ یوپی واریر ہیلی کی کپتانی میں اہم کامیابیاں حاصل کرنے اور یوپی میں خواتین کرکٹرز کے لئے خوشی اور تحریک کا ذریعہ بن سکیں گی۔
واضح رہے کہ ہیلی ان چھ بین الاقوامی کھلاڑیوں میں سے ایک ہے جو لکھنؤ فرنچائز کے ذریعہ خریدا گیا ہے۔ آسٹریلیائی تجربہ کار اوپنر کو اتر پردیش سے آنے والی دیپتی شرما کو ترجیح دیتے ہوئے کپتان بنایا گیا ہے۔
نئے ٹورنامنٹ میں نئی ذمہ داری ملنے پر ہیلی نے کہا کہ "ڈبلیو پی ایل ایک ٹورنامنٹ ہے جس کا ہم سب بے تابی سے انتظار کر رہے تھے۔ یوپی واریرس اسکواڈ لاجواب ہے۔ اب بس ٹورنامنٹ کے آغاز کے بعد دھماکے کرنے کا انتظار کر رہی ہے۔‘‘
انہوں نے کہاکہ ’’ہمارے پاس تجربہ کار اور نوجوان کھلاڑیوں کا اچھا مرکب ہے۔ ہم اپنے مداحوں کے سامنے پرفارم کرنے کے لئے بے چین ہیں۔ ہم اپنے دھماکہ خیز برانڈ کی کرکٹ جیتنے اور کھیلنے کے لئے یہاں آئے ہیں۔‘‘
واضح رہے کہ ہیلی نے اپنے کیریئر میں پانچ ٹی ٹونٹی ورلڈ کپ جیتا ہے۔ انہوں نے پچھلے سال نیوزی لینڈ میں ون ڈے کپ بھی جیتا تھا۔ اس نے اب تک اپنے ٹی ٹونٹی بین الاقوامی کیریئر میں 128 کے اسٹرائک سے 2446 رنز بنائے ہیں ، جس میں 14 نصف سنچریاں بھی شامل ہیں۔
ہیلی نے حال ہی میں کل وقتی کپتان میگ لیننگ کی غیر موجودگی میں آسٹریلیا کے دورہ ہندوستان پر ٹی 20 ٹیم کی ذمہ داری سنبھالی تھی۔ ان کی قیادت میں آسٹریلیا نے وہ سیریز 4-1 سے جیتی۔
وہ آسٹریلیا کی خواتین کی بگ بیش لیگ (ڈبلیو بی بی) میں سڈنی سکسرز کی کپتانی بھی کر چکی ہیں۔
یوپی واریئرس 5 مارچ کو نئی ممبئی کے ڈی وائی پاٹل اسٹیڈیم میں گجرات جائنٹس کے خلاف اپنی ڈبلیو پی ایل مہم کا آغاز کرے گی۔ ٹورنامنٹ کے پہلے ایڈیشن میں پانچ ٹیمیں حصہ لے رہی ہیں اور ہر ٹیم دوسری ٹیموں کے خلاف دو دو میچ کھیلے گی۔ لیگ مرحلے کے اختتام پر سرفہرست ٹیم فائنل میں پہنچ جائے گی، جبکہ دوسرے اور تیسرے نمبر پر آنے والی ٹیمیں فائنل میں جگہ بنانے کے لیے ایلیمینیٹر میں مقابلہ کریں گی۔
یوپی واریئرس ٹیم: الیسا ہیلی (کپتان)، سوفی ایکلسٹن، دپتی شرما، تاہلیا میک گرا، شبنم اسمعیل، انجلی سروانی، راجیشوری گائیکواڑ، پارشوی چوپڑا، شویتا سہراوت، ایس یششری، کرن ناوگیرے، گریس ہیرس، دیویکا وید، لارین بیل،لکشمی یادو، سمرن شیخ۔