جموں:انہدامی کارروائیوں کے دوران ہونے والی پتھر بازی کے الزام میں پانچ گرفتار:پولیس

جموں/۶فروری
جموں کے نروال علاقے کے ملک مارکیٹ میں انسداد تجاوزات مہم کے دوران ہوئی پتھر بازی کے سلسلے میں 5 افراد کو گرفتار جبکہ چار دیگر کو پوچھ تاچھ کے لئے حراست میں لیا گیا۔
پولیس ذرائع نے بتایا’ملک مارکیٹ میں انسداد تجاوزات مہم کے دوران پتھر بازی کے سلسلے میں پانچ افراد کو گرفتار جبکہ چار کو پوچھ تاچھ کے لئے حراست میں لیا گیا ہے ‘۔انہوں نے کہا کہ گرفتار شدگان میں شو روم کا مالک سجاد احمد بیگ بھی شامل ہے ۔
ذرائع نے بتایا کہ گرفتار شدگان کی ترکوٹہ نگر پولیس اسٹیشن میں پوچھ تاچھ کی جا رہی ہے ۔
بتادیں کہ ملک مارکیٹ میں ہفتے کے روز گاڑیوں کے ایک شو روم کی انہدامی کارروائیوں کے دوران پتھر بازی ہوئی جس کے نتیجے میں تین پولیس اہلکار زخمی ہوئے تھے ۔