سرینگر جموں شاہراہ پر حادثہ ڈرائیور از جان دو دیگر زخمی

جموں//
سرینگر جموں شاہراہ پر مکر کوٹ کے نزدیک درمیانی شب دو گاڑیوں پر بھاری برکم بولڈر گر آئے جس کے نتیجے میں تین افراد شدید طورپر زخمی ہوئے جن میں سے بعد میں مقامی ڈرائیور ہسپتال میں زخموں کی تاب نہ لا کر چل بسا۔
سرکاری ذرائع نے بتایا کہ مکر کوٹ رام بن میں درمیانی شب بھاری برکم بولڈر دو گاڑیوں پر گر آئے جس وجہ سے اُن میں سوار تین افراد شدید طورپر زخمی ہوئے ۔انہوں نے بتایا کہ تینوں کو علاج ومعالجہ کی خاطر نزدیکی ہسپتا ل منتقل کیا گیا تاہم ڈاکٹروں نے ٹرک ڈرائیور کو مردہ قرار دیا۔
متوفی کی شناخت منیب حجام ولد عبدالرحمن ساکن باری گام اننت ناگ کے بطور ہوئی ہے جبکہ زخمیوں کی پہچان گوپال ولد بیانت لال ساکن پیرا رامن اور راجندر کمار ولد پریم سنگھ ساکن بٹوٹ رام بن کے بطور کی گئی۔