نئی دہلی//
دہلی کے لیفٹیننٹ گورنر وی کے سکسینہ نے جے این یو ایس یو کی سابق نائب صدر شہلا رشید شورا کے خلاف ہندوستانی فوج کے بارے میں ٹویٹس کرنے پر مقدمہ چلانے کی منظوری دے دی ہے۔
ایل جی آفس کے عہدیداروں کے مطابق، یہ منظوری ان کے خلاف ۲۰۱۹ کی ایف آئی آر سے متعلق ہے‘جو آئی پی سی سیکشن ۱۵۳ ؍اے کے تحت، نئی دہلی کے اسپیشل سیل پولیس اسٹیشن میں ایک شہری‘ الکھ الوک سریواستو کی شکایت کی بنیاد پر درج کی گئی ہے۔
عہدیدار نے کہا کہ جواہر لعل نہرو یونیورسٹی اسٹوڈنٹس یونین (جے این یو ایس یو) کی سابق رہنما پر مختلف گروہوں کے درمیان دشمنی کو فروغ دینے اور اپنے ٹویٹس کے ذریعے ہم آہنگی کو برقرار رکھنے کے لیے منفی کارروائیوں میں ملوث ہونے کا الزام ہے۔
ایل جی آفس نے کہا کہ استغاثہ کی منظوری کی تجویز دہلی پولیس نے پیش کی تھی اور دہلی حکومت کے ہوم ڈیپارٹمنٹ نے اس کی حمایت کی تھی۔
۱۸؍ اگست ۲۰۱۹ کو شہلا کے ٹویٹس میں فوج پر کشمیر میں گھروں میں گھس کر مقامی لوگوں کو ’تشدد‘ کرنے کا الزام لگایا گیا تھا۔
فوج نے ان الزامات کو بے بنیاد قرار دے کر مسترد کر دیا۔ (ایجنسیاں)