گیلانی کے برزلہ گھر سمیت جماعت اسلامی کی۲۰ جائیدادیں ضبط

سرینگر/ 24 دسمبر
جماعت اسلامی سے تعلق رکھنے والی کم از کم 20 املاک بشمول سابق حریت چیئرمین مرحوم سید علی شاہ گیلانی کا برزلہ میں ایک گھر، حکام نے ضبط کرلیا۔
ایک سرکاری اہلکار نے ایک مقامی خبر رساں ایجنسی کو بتایا کہ ریاستی تحقیقاتی ایجنسی (ایس آئی اے) کی طرف سے جماعت اسلامی سے متعلق ایک معاملے کی تحقیقات کے بعد کشمیر کے مختلف اضلاع میں جائیدادیں ضبط کی گئیں۔
اہلکار نے کہا کہ برزلہ گھر کو ایس آئی اے نے ضبط کیا جب ضلع مجسٹریٹ سری نگر نے جماعت اسلامی کی تین جائیدادوں کو سیل کرنے کے احکامات جاری کیے تھے۔
SIA نے پہلے ہی جموں و کشمیر میں تقریباً 188 جماعت سلامی کی جائیدادوں کی نشاندہی کی ہے جن کو یا تو مطلع کیا گیا ہے یا UAPA کے تحت مزید قانونی کارروائی کے لیے مطلع کیے جانے کے عمل میں ہیں۔