پہلگام کے ٹیکسی ڈرائیور نے حیدرآبادکے سیاح کو ۱۰ لاکھ روپے مالیت کا سونا واپس کیا

پہلگام//
جنوبی کشمیر کے اننت ناگ کے پہلگام علاقے میں منگل کو ایک ڈرائیور نے حیدرآباد کے ایک سیاح کو ۱۰ لاکھ روپے مالیت کا سونا واپس کیا۔
ایک مقامی خبر رساں ایجنسی نے صدر ٹیکسی اسٹینڈ پہلگام کے عبدالرشید وانی کے حوالے سے اطلاع دی گئی کہ ایک تویرا ڈرائیور آکاش فاروق وانی نے حیدرآباد کے ایک سیاح کو ۱۰ لاکھ روپے مالیت کا سونا واپس کیا۔
رشید نے کہا کہ سیاح نے پہلے ہی سٹینڈ کو آگاہ کر دیا تھا کہ وہ گاڑی میں سونا بھول گیا ہے۔ انہوں نے کہا کہ جب ہم نے ڈرائیور کو اطلاع دی تو اس نے اپنی گاڑی کی تلاشی لی اور سونا ملا اور وہی سیاح کو واپس کر دیا گیا۔انہوں نے مزید کہا کہ حیدرآباد کا سیاح سونا لینے سرینگر ایئرپورٹ سے واپس آیا تھا۔
اس دوران سیاحوں نے ڈرائیور کا کھویا ہوا سونا واپس کرنے پر ان کا شکریہ ادا کیا۔