سیاسی لیڈروں کو اختلافات کے باوجود شائستگی برقرار رکھنا چاہیے : ممتا بنرجی

کلکتہ//
بنگال اسمبلی کے اسپیکر بمان بنرجی نے وزیر اعلیٰ ممتا بنرجی اور اپوزیشن لیڈر شوبھندو ادھیکاری کے درمیان ملاقات کو معمول کی ملاقات قرار دیتے ہوئے کہا کہ توقع ہے کہ سیاسی اختلافات کے باوجود دونوں لیڈران اسمبلی کے تمام پروگراموں میں یکساں طور پر شرکت کریں گے ۔
اسپیکر ہفتہ کو قومی یوم دستور کی تقریب کے دوران قانون ساز اسمبلی میں موجود تھے ۔ وہیں صحافیوں کے سوالوں کے جواب میں انہوں نے کہا کہ پتہ نہیں اسمبلی کے باہر کس کے ساتھ کیا رشتہ ہے ۔ لیکن مجھے امید ہے کہ اسمبلی میں دونو یکساں طور پر حصہ لیں۔انہوں نے کہا کہ وزیر اعلیٰ نے انہیں اپوزیشن لیڈر سے ملاقات کی دعوت دے کر پارٹی سے اوپر اٹھنے کا پیغام دیا ہے ۔ ساتھ ہی انہوں نے دعویٰ کیا کہ اگر اپوزیشن کو اسمبلی میں کسی بھی تقریب میں مدعو کیا جائے تو وہ نہیں آتے ۔
ممتا بنرجی اور شوبھندو ادھیکاری دونوں کافی قریب تھی اور شوبھندو ادھیکاری پر ممتا بنرجی اعتماد کرتی تھیں۔لیکن گزشتہ اسمبلی انتخابات سے پہلے دونوں کے سیاسی نظریات اور راستے الگ ہوگئے ۔ اب دونوں ایک دوسرے کے خلاف تنقید کرنے کا کوئی موقع ضائع نہیں کرتے ہیں۔ممتا بنرجی نے اسمبلی میں کہا کہ میں انہیں بھائی کی طرح محبت کرتی تھی،ان کے والد کی بھی عزت کرتی ہوں۔
اسپیکر نے کہا کہ پارٹی تبدیل کرنے سے ذاتی رشتے میں کوئی فرق نہیں آنا چاہیے ، ہر ایک کو معتدل زبان استعمال کرنی چاہیے ۔