بھارت جوڑو یاترا میں پرینکا گاندھی کے شامل ہونے کا امکان

بھوپال// کانگریس لیڈر راہل گاندھی کی ‘بھارت جوڑو یاترا’ 23 نومبر سے مدھیہ پردیش میں شروع ہوگی۔ اس دوران پارٹی کی سینئر لیڈر پرینکا گاندھی کے بھی یاترا میں شامل ہونے کا امکان ہے ۔
پارٹی کی طرف سے دی گئی معلومات کے مطابق، مسٹر گاندھی کی یاترا برہان پور ضلع سے ریاست میں داخل ہوگی اور اگلے 12 دنوں تک ریاست میں رہے گی۔ اس سلسلے میں مسٹر گاندھی 4 دسمبر تک ریاست میں ہی رہیں گے ۔ اس دوران وہ چھ اضلاع سے ہوکرگزریں گے ۔
محترمہ پرینکا گاندھی کے بھی یاترا میں شرکت کے امکان کو دیکھتے ہوئے تیاریوں کو حتمی شکل دی جارہی ہے ۔
ذرائع کے مطابق مسٹر گاندھی کل 23 تاریخ کو برہان پور کے بودرلی گاؤں سے اپنا سفر شروع کریں گے ۔ یہاں سے وہ کھنڈوا کے جھری جائیں گے ۔ اگلے دن یاترا بورگاؤں سے کھنڈوا تک 24 تاریخ کو کھرگون کے کھیرڈا تک جائے گی۔ 25 تاریخ کو مسٹرگاندھی کھیڑا سے مورٹکا کی یاترا کریں گے ۔
ہفتہ 26 نومبر کو، مسٹرگاندھی کی یاترا اندور ضلع میں داخل ہوگی۔ یہاں وہ ڈاکٹر بھیم راؤ امبیڈکر کی جائے پیدائش مہو جائیں گے ۔ اگلے دن مسٹر گاندھی مہو سے اندور کی یاتراکریں گے ۔ 28 تاریخ کو یاترا میں شامل افراد آرام کریں گے ۔
مسٹرگاندھی 29 تاریخ کو اندور شہر سے سانور جائیں گے ۔ 30 تاریخ کو، یاترا سانور سے اجین ضلع میں داخل ہوگی اور یکم دسمبر کو بھی اجین میں ہی رہے گی۔ 2 دسمبر کو یاترا اجین کے جھالرا سے شروع ہوگی۔ یہاں سے مسٹر گاندھی آگر-مالوا کے کاسی بردیہ پہنچیں گے ۔ 3 دسمبر کو مسٹری گاندھی اس ضلع کے مہودیا سے لالہکھیڈی تک کا سفر پیدل طے کریں گے ۔ 4 تاریخ کو یاترا لال کھیڑی سے راجستھان کے جھالاواڑ میں داخل ہوگی۔