سرینگر//
وسطی کشمیر کے ضلع بڈگام میں منگل کے روز ایک شخص چلتی ٹرین کی زد میں آکر لقمہ اجل بن گیا۔
سرکاری ذرائع نے بتایا کہ بڈگام کے واتل پرہ علاقے میں مازہامہ، بڈگام ریلوے اسٹیشن پر منگل کی صبح ایک شخص چلتی ٹرین کی زد میں آگیا جس کے نتیجے میں اس کی بر سر موقع ہی موت واقع ہوگئی۔
متوفی کی شناخت محمد یعقوب ڈار ولد محمد شعبان ڈار ساکن شاہ گنڈ بانڈی پورہ کے بطور ہوئی ہے ۔
دریں اثنا پولیس کی ایک ٹیم نے جائے واردات پر پہنچ کر واقعے کی تحقیقات شروع کی ہے اور لاش کو طبی و قانونی لوازمات کی ادائیگی کے لئے اپنی تحویل میں لیا ہے ۔
