سرینگر/14 نومبر
کشمیر پاور ڈسٹری بیوشن کارپوریشن لمیٹڈ (کے پی ڈی سی ایل) نے پیر کو سرینگر کے لیے موسم سرما میں بجلی کی کٹوتی کا نیا شیڈول جاری کیا جو 15 نومبر سے نافذ العمل ہوگا۔
کٹوتی کے نئے شیڈول کا حوالہ دیتے ہوئے، ایک مقامی خبر رساں ایجنسی نے اطلاع دی ہے کہ میٹر والے علاقوں کو روزانہ ساڑھے 4 گھنٹے کی کٹوتی کا سامنا کرنا پڑے گا۔
نئے شیڈول کے مطابق میٹر والے علاقوں کو صبح، دوپہر اور شام میں ڈیڑھ گھنٹے کے لیے بجلی کی کٹوتی کا سامنا کرنا پڑے گا۔تاہم، غیر میٹر والے علاقوں کو ایک دن میں آٹھ گھنٹے کی مدت میں کٹوتی کا سامنا کرنا پڑے گا۔
سری نگر کے غیر میٹر والے علاقوں کو صبح کے وقت دو گھنٹے کی کٹوتی کا سامنا کرنا پڑے گا جبکہ دن اور شام کے وقت تین گھنٹے کی کٹوتی ہوگی۔
