نئی دہلی//سیکورٹی ایجنسیوں نے گجرات اور ہماچل پردیش میں اسمبلی انتخابات کے دوران گجرات میں 71 کروڑ 88 لاکھ روپے اور ہماچل پردیش میں 50 کروڑ 88 لاکھ روپے کی ریکارڈ رقم برآمد کی ہے ۔
سیکورٹی ایجنسیوں نے اسمبلی انتخابات کے پیش نظر الیکشن کمیشن کی ہدایات پر خصوصی مہم چلائی تھی اور انتخابات کے اعلان کے چند ہی دنوں میں گجرات میں 71.88 کروڑ روپے برآمد ہوئے جو کہ ماڈل کوڈ کی پوری مدت کے دوران 2017 کے اسمبلی انتخابات کے انعقاد کے دوران 27.21 کروڑ روپے کی برآمدگی سے کہیں زیادہ ہے ۔ اسی طرح ہماچل پردیش میں بھی اس عرصے کے دوران 50.28 کروڑ روپے ضبط کیے گئے ، جو کہ 2017 میں 9.03 کروڑ کے مقابلے پانچ گنا سے بھی زیادہ ہیں۔
کمیشن نے لوگوں سے اپیل کی ہے کہ وہ چوکس رہیں اور ریکارڈ رقم کی برآمدگی کے بعد بڑے پیمانے پر سی ویجل ایپ کا استعمال کریں تاکہ انتخابات میں پیسے اور طاقت کے استعمال کو روکا جا سکے ۔
اس کے علاوہ ایجنسیوں نے ہماچل پردیش میں 972818.24 لیٹر اور گجرات میں 109189.19 لیٹر شراب بھی ضبط کی ہے ۔