پونچھ کی لاپتہ دو بہنیں پنجاب سے باز یاب‘ چار گرفتار:پولیس

جموں//
پولیس نے جموںکشمیر کے ضلع پونچھ سے لاپتہ ہونے والی دو بہنوں کو پنجاب سے بازیاب کیا ہے اور اس سلسلے میں چار افراد کو گرفتار کیا ہے ۔
پولیس ذرائع کا کہنا ہے کہ پونچھ کے ایک گاؤں سے تعلق رکھنے والی لاپتہ بہنوں کی ماں نے۲۶؍اکتوبر کو ایک شکایت درج کی تھی جس میں کہا گیا تھا کہ اس کی دو بیٹیاں گھر سے قریب ایک ماہ سے لاپتہ ہیں۔
ذرائع نے کہا کہ شکایت موصول ہونے پر ایس ایس پی پونچھ اس کیس کی تحقیقات کیلئے ایک خصوصی ٹیم تشکیل دی۔
ان کا کہنا تھا کہ پولیس ٹیم نے مختلف علاقوں میں لاپتہ بہنوں کی تلاش کیلئے چھاپے مارے اور آخر کار دونوں بہنوں کو پنجاب کے آنند پور صاحب علاقے سے بر آمد کیا گیا۔
پولیس ذرائع نے بتایا کہ پولیس نے اس ضمن میں چار افراد کو گرفتار کیا ہے جن کی شناخت انیل کمار ساکن سندر بنی راجوری، منیش کمار ساکن جموں‘ لو جیت سنگھ اور رام جیت سنگھ ساکنان پنجاب کے بطور ہوئی ہے ۔