’جنگجو مخالف کارروائیوں میں تیزی آئیگی‘

سرینگر//
جموںکشمیر پولیس کے اے ڈی جی پی‘ وجے کمار نے کہا ہے کہ موسم سرما شروع ہونے کے ساتھ ہی ملی ٹینٹ پہاڑوں میں اپنی چھپنے کی جگہوں سے بستیوں میں آئیں گے جس کے ساتھ ہی انہیں مار دیا جائے ۔
کمار نے کہا جنوبی کشمیر میں۲تصادم آرائیوں کے دوران ایک کمانڈر سمیت۴ملی ٹینٹوں کو مار گرایا گیا ہے ۔
کشمیر پولیس زون کے ایڈیشنل ڈائر ایکٹر جنرل پولیس نے بتایا کہ موسم سرما آنے کے ساتھ ہی ملی ٹی نٹ جنگلوں میں بنائے گئے پناہ گاہوں جہاں وہ چھپے رہتے ہیں‘ سے نیچے بستیوں کی طرف آئیں گے جس کے ساتھ ہی انہیں مار دیا جائے ۔
یہاں یہ بات قابل ذکر ہے کہ سردیاں آنے کے ساتھ آپریشنوں میں تیزی لائی گئی ہے جبکہ وجے کمار نے بھی اس بات کی طرف اشارہ دیا ہے کہ موسم سرما آنے کے ساتھ ہی جنگلوں سے آنے والے ملی ٹینٹوں کو مار دیا جائیگا۔
کمار نے ان بات کا اظہار جنوبی کشمیر کے بجبہاڑہ اور اونتی پورہ کے کھانڈے محلہ میں ۲الگ الگ تصادم آرائیوں میں۴ملی ٹینٹوں کی ہلاکت کے بعد کیا ہے ۔
منگل کوبجبہاڑہ میں ایک تصادم ہوا ہے جس میں ایک ملی ٹینٹ جبکہ جنوبی کشمیر کے ہی اونتی پورہ میں ایک جھڑپ میں۳دیگر ملی ٹینٹوں کو مارا گیا ہے جن میں ایک غیر ملی بھی شامل ہے ۔
پولیس نے بتایا مارے گئے ان۳ملی ٹینٹوں میں ایک کمانڈر بھی شامل ہے جو شہری پولیس اور فورسز کی ہلاکتوں میں ملوث تھا ۔
پولیس نے گزشتہ شام بتایا تھا کہ مزکورہ ملی ٹینٹوں کی ہلاکت کے ساتھ ایک بڑا حادثہ ٹل گیا ہے کیوںکہ پولیس کے بقول یہ لوگ ایک فورسز کیمپ پر فدائین حملہ کرنے جا رہے تھے۔