جموں/۹۲اکتوبر
جموں کشمیر کے کشتواڑ میں سنیچر کو ایک پن بجلی پاور پروجیکٹ کے مقام پر مٹی کا تودہ گر جانے سے ایک جے سی بی ڈرائیور کی موت ہوئی ہے جب کہ کئی لوگ ملبے تلے دب گئے۔
راتلے دراب شالہ نامی پاور پروجیکٹ سائٹ پر ڈرائیور کے علاوہ چار دیگر افراد کے پھنسے ہونے کا خدشہ ہے۔
کچھ لوگ پھنسے ڈرائیور کی مدد کے لیے پہنچ گئے، جس کے دوران تازہ لینڈ سلائیڈنگ ہوئی، جس سے کئی لوگ پھنس گئے۔ ریسکیو آپریشن جاری ہے اور پولیس موقع پر پہنچ گئی ہے۔
مرکزی وزیر جتیندر سنگھ نے لینڈ سلائیڈنگ کے واقعہ پر بات کی اور کہا کہ تقریباً ۶ لوگوں کی ریسکیو ٹیم بھی پھنس گئی۔
سنگھ کاکہنا تھا”زیر تعمیر رتلے پاور پروجیکٹ کے مقام پر ایک مہلک لینڈ سلائیڈنگ کی اطلاع ملنے پر ڈی سی کشتواڑ، جموں و کشمیر سے بات کی۔ جے سی بی ڈرائیور کی بدقسمتی سے موت ہو گئی۔ واقعے کے بعد جائے وقوعہ پر تعینات تقریباً ۶ افراد پر مشتمل ریسکیو ٹیم بھی ملبے تلے دب گئی ہے“۔